რადარამის წიგნის კლუბი ღია სივრცეა, სადაც მკითხველები ერთმანეთს ხვდებიან. აქ ნებისმიერი ასაკის თუ სოციალური სტატუსის მქონე ადამიანი თავს კარგად გრძნობს და თავისუფლად გამოთქვამს მოსაზრებებს ამა თუ იმ წიგნზე ან თემაზე.

კარგ წამოწყებას კარგი სახელიც სჭირდება. რადარამის წიგნის კლუბს “თაბუნი” ეწოდება. “თაბუნი” ძველი ქართული სიტყვაა და “ჯგუფს” ან “გილდიას” ნიშნავს. ძველი ჯავახური განმარტების თანახმად კი ეს სიტყვა ზუსტად იმას გამოხატავს, რასაც, ჩვენი აზრით, რადარამის თაბუნი უნდა წარმოადგენდეს: “ჯგუფი, რომლის ყველა წევრი თანაბარუფლებიანია.”